Rinovim i rëndësishëm te Manchester United. Drejtuesit e klubit të famshëm kanë zgjatur bashkëpunimin me Alejandro Garnachon.
Në bazë të kontratës së re, 18-vjeçari i talentuar argjentinas do të luajë në “Old Trafford” deri në verën e vitit 2028.
5 gola dhe 6 asistime numëron sulmuesi i majtë gjatë këtij sezoni me skuadrën e Erik ten Hag.
“Kur iu bashkova këtij klubi të jashtëzakonshëm, unë ëndërroja të debutoja. Të luaja në ‘Old Trafford’. Të shënoja golin tim të parë dhe të fitoja trofe me këtë fanellë.
Ndjej krenari dhe emocione që i kam shijuar këto momente tashmë. Bashkë me familjen time që më ka mbështetur në çdo hap që kam hedhur.
Ne të gjithë jemi të përulur që kemi këtë shans për të vazhduar rrugëtimin tonë me Manchester United. Trajneri dhe stafi i tij më kanë ndihmuar të përmirësohem.
Me mbështetjen tuaj, unë po zhvillohem dhe rritem çdo ditë për të ndihmuar skuadrën që të arrijë sa më shumë suksese”, deklaroi Garnacho, i cili cilësohet si pasardhësi i CR7.
Discussion about this post