Ura e Zogut në Milot, që është monument kulture i kategorisë së parë përballet me një sërë problematikash. Vitin e kaluar, shirat e rrëmbyeshëm dhe të shpeshtë e kanë përkeqësuar situatën në urën me statusin monument kulture. Ndërsa, rreshjet e këtij fillimviti fundosën njërën prej këmbëve të urës me shumë se 2 metra, duke rrezikuar pëfundimisht shembjen e saj. Edhe pse autoritetet premtuan ndërhyrje me pushimin e rreshjeve, premtimet mbetën vetëm fjalë.
Historiani Pal Trashaj tregon se ky objekt ka vlera të paçmueshme monumentale, muzeore dhe historike, ndërsa fajësoi shtetin këto 30 vite që është treguar inekzistent.
“U bënë rreth 8 muaj që është dëmtuar nga shirat e dimrit dhe pas shumë premtimesh për restaurim nuk u bë asgjë. Kushtet kanë qenë të favorshme për restaurim sepse jemi në periudhë të thatë, në periudhë vere. Ndërsa, tani po shkojmë drejt dimrit ,drejt ujërave të shimtë dhe të rrëmbyshëm. Vetëm Zoti mund t’a shpëtoj , sepse ne do të themi ka qenë dikur Ura e Zogut, jo është Ura e Zogut.
Një nga urat më të rëndësishme në Ballkan, 30 vite nuk ka asnjë interesim nga ana e institucioneve. Përvec mungesës së restaurimit, është edhe marrja e inerteve në mënyrë të ligjshme apo paligjshme që e ka dëmtuar klëtë urë. Më bën përshtypje pasi ne kemi këtë lloj kulture dhe nuk interesohemi fare. Unë them që së shpejti do të themi “Na ishte njëherë Ura e Zogut”. ( Pal Trashaj -Kryetar i Forumit Mbarëkombetar i Trashëgimisë Historike dhe Kulturore).
Trashaj apelon që të ndërhyrje të menjëhershme, pasi ky dimër mund të resultoj fatal.
Janë organizuar disa herë protesta dhe bërë peticionet, ndaj institucioneve lokale dhe qëndrore për degradimin e Urës së Zogut, por nuk u morën parasysh asnjëherë.
Në një komunikim për Gijotina.com, specialisti i trashegimisë kultore pranë DRTK në Shkodër, Helidon Sokoli pohoi se problematikë në këtë urë është marrja e inerteve dhe kështu dëmtohet shtrati i lumit, duke u përplasur më pas me këmbët e urës.
“Ne shkojmë dhe e inspektojmë cdo javë urën, pasi na është dhënë urdhër. Insituti i ndërtimit ka një projekt për konsolidimin e këmbës, i cili do vihet shumë shpejt në zbatim. Edhe Minitria e Mbrojtjes do të ndërhyjë , pasi nmevoja është emergjente. Nuk ka një datë apo kohë kur do të ndërhyhet.” -Helidon Sokoli (specialist i trashëgimise kulturore pranë DRTK Shkodër).
Ura e Zogut është konsideruar si një prej veprave më të rralla në Ballkan, por neglizhenca tolale e Ministrisë së Kulturës dhe institucioneve lokale ka bërë qe kjo vepër Kulturore të degradoje deri në këtë pikë.
Historiku
Ura gjendet në Milot dhe bën të mundur lidhjen e dy ekstremeve të lumit, me një gjatësi rreth 490 metra dhe gjerësi rreth 6 metra. Ura e Zogut është një nga më të veçantat për strukturën e saj arkitekturore. Stili i harqeve i japin asaj vlerë muzeore. Ajo gjendet në të djathtë të rrugës që të çon në Mirditë, në të dyja ekstremet e lumit Mat, që nga viti 1927. E quajtur për shumë vite Ura e Zogut, vetë mbreti ishte ideatori i ndërtimit të kësaj ure shumë funksionale, sidomos për kohën. Ato vite ajo ishte një portë e domosdoshme për të hyrë në Shqipërinë e epërme që përfshin Shkodrën, Lezhën, Mirditën, Tropojën, Kukësin, Pukën etj. Ura është projektuar nga një inxhinier italian dhe pothuajse e gjithë baza materiale u soll nga italianët. Zbatimi i projektit u bë nga një inxhinier shqiptar, Gjovalin Gjadri, që ka projektuar rrugën automobilistike Milot-Burrel. Por, pavarësisht gjithë rëndësisë dhe vlerave që kjo urë ka, heshtja e institucioneve lë për të dëshiruar. Ky nuk është rasti i parë ku vlerat historike dhe kulturore po shuhen dhe humbasin në Shgqipëri si shkak i neglizhencës së institucioneve përkatëse.
