Nuredin Dumani, i penduar i drejtësisë, ka dëshmuar në gjykatë lidhur me dosjen “Plumbi i artë”, duke zbuluar detaje të reja mbi lidhjet e tij me persona të botës së krimit.
Ai përmendi Behar Bajrin, të cilin e kishte njohur përmes Elton Bashës dhe Arlind Bushatit, një prej viktimave të masakrës së Dobraçit.Dumani ka rrëfyer se kishte zhvilluar takime me Bajrat për të organizuar një goditje ndaj Dorjan Duli dhe Genc Tafilit, duke i dhënë atyre mbi 1 milion euro për këtë marrëveshje.
Elton Basha është një mik i imi dhe është nga Burreli. Rrinte në Durrës dhe kam 15 vite që e njoh. Në telefon e kam pas rregjistru me emrin ‘Bisha’. Me Behar Bajrin kam komuniku nëpërmjet Elton Bashës dhe nëpërmjet Arlind Bushatit. Çova Eltonin me një djalë tjetër në takim me Bajrat, këta të fundit shkojnë 10 veta me armë. Behar Bajri më kërkoi për të bërë goditje për Dorjan Dulin dhe Genc Tafilin dhe i kam dhënë mbi 1 mln e gjysmë euro. Ramë dakord për këtë marrëveshje. Nuk morëm asnjë lloj iniciative. Behar Bajrit i kam kërku Talo Çelën. Kishte thashetheme që Talo Çela rrinte te Suel Çela, por jo gjëra të vërteta. Me Behar Bajrin kam komuniku me SKY ECC,”-ka rrëfyer ai.
Arlind Bushati, një nga viktimat e masakrës së Dobraçit, dyshohet se kishte lidhje të mëparshme me grupin e Bajrave.Ai kishte tradhtuar shokët e tij, duke i nxjerrë ata në pritë në momentin e atentatit.
Në kohën e sulmit, Bushati ndodhej në makinë me persona që ishin kundërshtarë të Bajrave dhe për të cilët dyshohet se kishte bashkëpunuar, duke tradhtuar grupin e tij të mëparshëm. Gjatë atentatit, ai humbi jetën së bashku me dy kalimtarë të pafajshëm.
Në atentatin e Dobraçit, ishin të përfshirë edhe Hamza Lici dhe Ibrahim Lici, që ishin pjesë e familjes kundërshtare të Bajrave
Discussion about this post