Deputetja e PD, Sorina Koti është përplasur me ministren e Shëndetësisë, Ogerta Manastirliu lidhur me mungesën e kushteve minimale në spitalin e Korçës. Gjatë seancës dëgjimore në Komisionin për Ekonominë dhe Financat, Koti tha se kushtet në spitalin e Korçës nuk janë aspak të mira, ku përmendi një sërë shqetësimesh.
Soti u shpreh se urgjenca e Korçës ka vetëm dy ambulanca, dhe stafi mjekësor tek reparti Covid punon në kushte jo normale, ku një pjesë e tyre nuk kanë marrë as bonueset.
“Unë jetoj midis Korçës dhe Tiranës, por dua të pyes se çfarë ka ndodhur me spitalin e Korçës sepse se dëgjova në asnjë pikë të buxhetit të përmendet. Urgjenca e Korçës ka vetëm 2 autoambulanca dhe te reparti Covid punojnë në kushte jashtë normales për të mbrojtur veten e tyre dhe pacientët dhe nëse mjekët e spitalet rajonale a e kanë marrë bonusin, sepse në dijeninë tonë është marrë ky bonus vetëm nga mjekë që kanë qenë në vijnë e parë të Covid vetëm në Tiranë”, tha Koti.
Ndër të tjera, deputetja demokrate tha se spitali vuan nga mungesa e investimeve në pajisje dhe mjekët mungojnë nëpër qendrat shëndetësore.
“Spitali i Korçës vuan për investime në infrastrukturë në pajisje, për mjekë sepse pjesa më e madhe janë në pension. Investimi në imazheri, cilësia lë shumë për të dëshiruar, pasi edhe për një apandesit pacientët vijnë në Tiranë. Do mos vazhdoj me cilësinë e bërjes së analizave që diagnoza nuk del e saktë dhe duhet të çekohet për të dytën ose tretën herë. Mos harroni se situata në spitalet rajonale nuk është si në Tiranë. Mjekët mungojnë nëpër qendra shëndetësore. Banorët duhet të bëjnë kilometra të tërë për të bërë një matje tensioni”, shtoi ajo.
Nga ana tjetër, Manastirliu duke u justifikuar, tha se spitali i Korçës ka pasur vëmendje të posaçme, dhe se çdo analizë e kryer në çdo spital është një analizë e certifikuar në të gjitha standardet europiane.
Discussion about this post