Kreu i grupit parlamentar të Partisë Socialiste, Taulant Balla, ka treguar sot në një deklaratë për mediet se fakti që Fatmir Xhafaj abstenoi në miratimin e vendimit për zgjatjen e vettingut nuk do të thotë se mes mazhorancës ka përplasje për këtë çështje. Ai tha se, ka biseduar me Xhafajn pas atij momenti dhe ky i fundit ka dhënë sugjerimet e tij, të cilat do të merren parasysh.
Sipas Ballës, shumë shpejt do të pritet edhe rekomandimi nga Komisioni i Venecias. “Maxhoranca ka kërkuar opinion të Komisionit të Veneacias, është kundërshtuar nga Xhafaj, ka mosdakordësi mes maxhorancës? Nuk ka farë mungesë dakordësie. Xhafaj ka dhënë kontribut të rëndësishëm. Kemi pasur një diskutim së bashku. Xhafaj ka prenzantuar një diskutim të tij. Kemi dëgjuar çfarë opozita ka ngritur për këtë çështje. Pyetjet për Komisionin janë miratuar dhe duhet të jenë nisur për të shpëtuar më shumë kohë”, tha Balla.
Gjatë kësaj deklarate, Balla k a dhënë detaje nga takimi i tij me reporteren për Shqipërinë në Parlamentin Europian, Isabel Santos. Sipas tij, vizita e saj në Tiranë përkon me një moment të rëndësishëm për vendin, ndërsa theksoi se ajo i ka hapur dritën e parë jeshile për mbledhjen ndërqeveritare.
“Kjo vizitë vjen në një moment të rëndësishëm pas publikimit të progres raportit. Ka qenë më i miri i ka hapur dritën jeshile për mbajtjen e konferencës së parë ndërqeveritare edhe pse kjo në mënyrë të pandershme është ndërlidhur me Bullgarinë. Shpresoj që kjo çështje të zgjidhet. Megjithatë është e rëndësishme që do të vazhdojmë të çojmë para reformat. Për nevojën e dakordsisë të të gjitha palëve. Nuk është çështje politike. Mendoj që jemi në kushtet e një nevoje emergjente që palët të bien dakord,” tha ai. Sipas Ballës, me vazhdimësinë e vettingut Shqipëria do të plotësojë dhe kërkesat e fundit për të qenë gati për në BE. E.H/gijotina.com/
Discussion about this post