Ndarja e Donald Veshaj nga Beatrix Ramosaj pak javë pas daljes së tyre nga “Big Brother Vip” bëri mjaft bujë. Por si duket Beatrix Ramosaj vazhdon të ruajë shoqërinë me rrethin më të ngushtë të Donaldit. Të gjithë e dinë tashmë raportin e ngushtë të Donald Veshaj me Elgit Dodën dhe partneren e tij Klea Huta. Dhe ajo që është suprizuese është fakti që këngëtarja kosovare, Beatrix ruan ende marrëdhënien e mirë me Klea Hutën.
Këtë e dëshmoi edhe një koment që ajo i la Kleas në një postim në rrjetet sociale ditën e djeshme në ditëlindjen e të birit, Krid. Beatrix e uroi publikisht duke i shkruar: “Gëzuar ditëlindjen, princit tënd të vogël. Uroj që t’i realizohen të gjitha dëshirat dhe ëndrrat. Na emocionoi të gjithëve.”
Komenti i saj nuk u ka shpëtuar fansave që kanë nisur të replikojnë. Disa i shkruajnë që komenti i saj nuk ka më vend tani që Donaldi u rikthye me Borën të tjerë mendojnë të kundërtën dhe e përgëzojnë.
Pak ditë më parë Beatrix foli për herë të parë drejtpërdrejtë për ribashkimin e Borës dhe Donaldit duke u uruar atyre lumturi. “Nëse ata e kanë gjetur lumturinë edhe unë ua uroj.”- u shpreh ajo kur u pyet për ribashkimin e çiftit.
Discussion about this post