Ushtria amerikane nuk është e sigurtë se çfarë ishin tre objektet fluturuese që u goditën nga forcat e armatosura mbi qiellin e Amerikës së Veriut dhe si ishin në gjendje të qëndronin lart. Presidenti i vëndit, Joe Biden, urdhëroi që një objekt tjetër, i katërti në total këtë muaj, të rrëzohej të dielën.
Ndërsa po udhëtonte në 6,100 m lartësi, mund të kishte ndërhyrë në trafikun ajror komercial, thanë zyrtarët amerikanë. Një komandant ushtarak tha se mund të jetë një “lloj i gaztë balone” ose “një lloj sistemi shtytës”.
Ai shtoi se nuk mund të përjashtonte që objektet të ishin jashtëtokësore. Objekti i fundit, i rrëzuar mbi liqenin Huron në Miçigan pranë kufirit kanadez, është përshkruar nga zyrtarët e mbrojtjes si një “strukturë tetëkëndore” pa pilot, me kabllo të lidhura me të. Objekti fluturues u rrëzua nga një raketë e lëshuar nga një avion luftarak F-16 në orën 14:42 me orën lokale.
Incidenti ngre pyetje të mëtejshme në lidhje me valën e objekteve në lartësi të mëdha që janë rrëzuar mbi Amerikën e Veriut këtë muaj. Kreu i Komandës Ushtarake të SHBA-së, gjenerali Glen Van Herck tha se nuk kishte asnjë tregues për ndonjë kërcënim.
“Unë nuk do t’i kategorizoj si balona. Ne i quajmë objekte për një arsye,” tha ai.
Discussion about this post