Gazetari grek Andreas Mountxouroulias është revoltuar pas një video që është shpërndarë së fundmi në rrjetet sociale.
Gjatë pamjeve duket një i ri me origjinë shqiptare, i cili këndon shqip, teksa mban veshur uniformën e ushtrisë greke. Kjo duket se ka prekur frymën nacionaliste të gazetarit.
“Ushtria greke ka rënë! Këngë shqiptare gjatë shërbimit në ushtrinë helene”, është shprehur ai.
Sipas Mountxouroulias, të kënduarit shqip gjatë shërbimit në ushtrinë greke është diçka e papranueshme.
Gazetari paralajmëron se në pak ditë do të publikojë një artikull dedikuar këtij fenomeni shqetësues sipas tij.
Kujtojmë se në vitet e fundit një numër i konsiderueshëm shqiptarësh që kanë lindur dhe janë rritur në Greqi kanë marrë nënshtetësinë helene.
Dhe kjo me radhën e saj do të thotë se djemtë shqiptarë me nënshtetësi greke kanë shërbyer në ushtrinë helene, pasi ushtria është me detyrim në Greqi. Por fakti që ata shprehen lirshëm për origjinën e tyre gjatë shërbimit në ushtri, duket se ka shqetësuar grekët.
Discussion about this post