Myrto Uzuni sërish protagonist me skuadrën e Ferencvarosh por fatkeqësisht goli i futbollistit shqiptar nuk e shpëtoi nga humbja ekipin hungarez. Vendasit u mundën 2-3 nga skuadra e Celtic teksa Uzuni realizoi golin e fundit për këtë ndeshje.
Ferencvarosh renditet në vendin e fundit në grupin G në kuotën e 0 pikëve teksa ka përballë kundërshtarë shumë të fortë si Bajern Leverkusen apo Betis. Uzuni e ka treguar thuajse në çdo ndeshje rëndësinë e tij për skuadrën hungareze teksa ky është një lajm i mirë edhe për kombëtaren shqiptare që luan ndeshjet e kualifikueseve të Botërorit javën e ardhshme.
Skuadra e Lacios zhgënjen sërish në Europa League. Bardhekaltërit barazuan ndaj Marsejës në transfertë me shifrat 2-2. Strakosha dhe Hysaj luajtën nga minuta e para në këtë ndeshje.
Skuadra e Lyon fitoi pastër 3-0 ndaj Sparta Pragë, sfidë ku Xherdan Shaqiri luajti nga minuta e parë por nuk i’a doli të linte gjurmë.
Skuadra e Romës nuk i’a doli të merte pikët e plota në ndeshjen ndaj Bodo. Verdhekuqtë u ndalën në barazim 2-2 teksa renditen në vendin e dytë në grupin C. Në këtë ndeshje nuk mori minuta mbrojtësi Marash Kumbulla.
Trajneri Antonio Konte e nisi me fitore 3-2 ndaj Vitesse aventurën tek skuadra e Totenham. Një fitore e vështirë për londinezët që ngjiten në vendin e dytë në grupin G.
Discussion about this post