Myrto Uzuni është padiskutim njeriu i momentit tek skuadra e Ferencvarosh. Futbollisti i ekipit kombëtar ka gjetur rrugën e rrjetës për të katërtën ndeshje radhazi. Sulmuesi realizoi një dopietë personale në fitoren 4-0 që ekipi hungarez arriti në kampionat ndaj Kisvardës teksa ngjitet në krye të klasifikimit në kuotën e 25 pikëve. Ishtë një ndeshje përcaktuese për Ferencvarosh pasi kundërshtari ndodhej në kuotën e 23 pikëve.
Uzuni shënoi dy gola në pjesën e dytë duke vulosur fitoren e skuadrës së tij në këtë ndeshje deçizive. Myrto Uzuni ka shënuar pesë gola në 11 ndeshje sezonale. Forma e mirë e futbollistit shqiptar është një lajm pozitiv për kombëtaren që luan këtë muaj dy ndeshjet e fundit të kualifikueseve të kampionatit Botëror ndaj Anglisë dhe Andorës.
Discussion about this post