Vajza e Kampionit të Botës debuton në “OnlyFans”

Vajza e ish-futbollistit të Barcelonës dhe Kampionit të Botës me kombëtaren braziliane, Romario, i është bashkuar platformës së të rriturve “OnlyFans”.

Pasi solli në jetë fëmijën e saj të parë, një vajzë të quajtur, María Eduarda, në janar të këtij viti, me mesfushorin Fabio Henrique, influencerja braziliane Danielle Favatto, 25-vjeçare, i befasoi ndjekësit e saj në rrjetet sociale, duke detajuar vendimin e saj për t’iu bashkuar platformës për të rritur. Danielle është aktualisht e bija e një senatori në qytetin e Rio de Janeiro dhe ka 269.000 ndjekës në Instagram.

Favatto foli për fëmijën e saj të fundit si dhe zbuloi se përmbajtja e saj do të jetë një largim domethënës nga norma e zakonshme e platformës.

“Unë nuk doja të kisha një fëmijë, por ndryshova mendjen. Nuk e kisha idenë se si të sillesha me fëmijët. Unë isha lloji i personit që do të mërzitesha, nëse një fëmijë qante në avion. Kam mësuar çdo ditë, mendova se ishte një ide e mirë të krijoja një profil në platformë, për të bërë video mbi këtë temë.”