Muzeu Kombëtar i Përgjimeve “Shtëpia me Gjethe” është vizituar nga vajza e ish-presidentit Donald Trump, Ivanka Trump dhe kryeministri Edi Rama.
Ky fakt është bërë i ditur nga muzeu Kombëtar. Ndërkohë, në foto shfaqet dhe Richard Grenell.
Kënaqësi të prisnim në muze Kryeministrin e Shqipërisë, z Edi Rama, Ivanka Trump dhe bashkëshortin e saj, Jared Kushner, të cilët vizituan Muzeun Kombëtar të Përgjimeve “Shtëpia me Gjethe”.
Në fund të vizitës z. Kushner la këtë shënim në Librin e Përshtypjeve:
“Ju falënderoj për mikpritjen kaq dashamirëse dhe që ndatë me ne historinë e shtypjes së Shqipërisë për ta kuptuar më mirë transformimin e jashtëzakonshëm, dëshmitarë të të cilit jemi ne sot.
Le të mësojë dhe populli im nga ky muze që këto tmerre të mos përsëriten më!”.
Ndërsa Ivanka Trump u shpreh:
“Faleminderit. Gjithë të mirat për të dy vendet tona Amerika & Shqipëria”.
Në vitin 2016, kohë kur në SHBA ishte fushata për zgjedhjet presidenciale, Kryeministri Edi Rama bëri një deklaratë të pazakontë për një drejtues qeverie, kur tha se fitorja e Donald Trump do të ishte fatkeqësi për SHBA dhe se kjo do të përkeqësonte marrëdhëniet mes Tiranës dhe Uashingtonit.
Trump fitoi zgjedhjet në atë kohë, Edi Rama vijoi të ishte Kryeministër. Sot Trump është në garën brenda Republikanëve për një rikandidim për President të SHBA në zgjedhjet e 2024, ndërsa nuk dihet nëse Edi Rama e sheh më Trump si rrezik për njerëzimin.
Discussion about this post