Adil Rami do të kujtohet nga të gjithë për numrin e madh të skuadrave që ka ndërruar gjatë kohës kur ishte një nga emrat më të lakuar të futbollit dhe për faktin se në 2018-ën ishte pjesë e Kombëtares së Francës, por që nuk luajti.
Ndërsa ka folur në një intervistë për gazetën franceze ‘Le Figaro’, mbrojtësi që aktualisht luan me Troyes në Francë është shprehur se ka qenë një ‘playboy’ i vërtetë.
“Në fillim të karrierës sime doja të pushtoja vajzat çdo javë, luaja me imazhin tim të playboy-t. Mosha dhe pjekuria më bënë të them mjaft. Ishte një nga gabimet që të rinjtë nuk duhet të bëjnë kurrë, por është shumë e vështirë të rezistosh në një botë plot tundime. Kur ke reputacionin e një futbollisti që fiton e gjen veten me një duzinë vajzash në tryezë. Vajzat më donin për mënyrën time dhe theksin tim anglez. Disa më donin në të gjitha festat e modës, mund të vazhdoja deri në gjashtë të mëngjesit me vajzat që grindeshin për mua”-tha ai.
Ndërsa marrëdhënia e tij me Pamela Anderson përfundoi keq mes akuzave për keqtrajtim. Megjithatë këto akuza janë mohuar dhe janë hedhur poshtë nga qendërmbrojtësi.
”Ajo donte të më copëtonte, veçanërisht duke pasur parasysh bashkëpunimin tim me shoqatën për mbrojtjen e grave të dhunuara. Ajo kurrë nuk paraqiti një ankesë. Për dy vjet kam vuajtur, njerëzit kanë thënë gënjeshtra për mua. Kam video dhe fotografi që mund të hedhin poshtë çdo pretendim. Por tani kjo është diçka e kaluar dhe nuk dua të shoqërohem më me të “.-tha ndër të tjera Rami.
Lojtari prej një kohe të gjatë ka qenë në hije dhe kjo nuk mund të konsiderohet si një nga periudhat më të mira të tij./K.T/Gijotina.com
