Gjykata e Lartë ka publikuar listën e gjyqtarëve, që kanë kandiduar për t’u bërë anëtarë të Këshillit të Lartë Gjyqësor.
Sipas njoftimit zyrtar, kanë kandiduar për në KLGJ gjashtë gjyqtarë, ndërsa brenda shtatë ditëve do të kryhen verifikimet e tyre.
Gjyqtarët që kanë kandiduar:
-Asim Vokshi nga Gjykata e Lartë
-Klodian Kurushi nga Gjykata e Lartë
-Vojsava Osmanaj nga Gjykata e Apelit Shkodër
-Ridvan Hado nga Gjykata e Apelit Tiranë
-Manjola Xhaxho nga Gjykata e Rrethit Gjyqësor Tiranë
-Irena Plaku nga Gjykata e Rrethit Gjyqësor Tiranë.
Administrata e Gjykatës së Lartë, brenda 7 ditëve nga data e mbylljes së afatit për dorëzimin e kërkesës dhe dokumentacionit përkatës, do të kryej verifikimin e kushteve ligjore të kandidatëve dhe shpalljen e kandidaturave në faqen zyrtare të kësaj gjykate.
