Kontrata e re për blerjen e vaksinës Pfizer, sjell efekte financiare në masën 6 milion USD, të cilat do të përballohen nga fondi rezervë i buxhetit të shtetit për vitin 2021. Kjo i shtohet vlerës totale të përllogaritur deri në shtator 2021.
Planifikim Buxhetor Vaksina sipas Kontratës Blerje Shtator 2020 – Shtator 2021 në total shkojnë në vlerën 3.42 miliard lekë shpenzime të angazhuara me kontraktim.
Vlera me lartë në këtë kontratë shkon për furnitorin turk, Keymen Ilac Sanay Ve Ticaret Anonim Sirketi, nga i cili deri tani janë administruar një milion doza.
Për të menaxhuar gjithë procesin e vaksinimit anti-Covid, Qeveria ka miratuar një Plan Kombëtar Vaksinimi. Sipas planit për vaksinim me dy doza të popullsisë së rritur, duhen administruar total 4.4 milion Vaksina.
Në Shqipëri janë administruar katër lloj vaksinash deri tani për të parandaluar sëmundjen COVID- 19: BioNTech, Pfizer me dy kontrata janar 2021 dhe Qershor 2021 ; CoronaVac ; AstraZeneca dhe Sputnik V. Një sasi prej 200 mijë dozash është arritur përmes donacioneve nga BE dhe shtete mike me Shqipërinë. Kanë mbërritur deri 1 shtator në vend mbi 1.9 milion doza, nga të cilat një milion janë Sinovac-CoronaVac ; 551 mijë janë BionTech Pfizer ; 320 mijë AstraZeneca dhe 50 mijë janë Sputnik V.
Përqindja e popullatës në Shqipëri së vaksinuar me një dozë sot është 44%, ndërkohë që përqindja e popullatës së vaksinuar me dy doza është drejt 36% të popullatës.
Gjithsesi mungesa e të dhënave të detajuara për efektivitetin e vaksinave kineze kundër COVID, i ka penguar ekspertët e huaj të bëjnë rishikimin e këtyre vaksinave.
Hulumtuesit kanë gjetur se vaksinat kineze janë paksa efektive në zvogëlimin e rrezikut të rasteve simptomatike dhe rasteve të rënda të shkaktuara nga COVID, u tha gazetarëve Zhong Nanshan, një epidemiolog që ka ndihmuar institucionet e Kinës për t’u përballur me pandeminë COVID-19.
