Janë të shumta konspiracionet që qarkullojnë në lidhje me ndikimin e vaksinës kundër koronavirusit në fertilitet. Ngaqë i druhen këtyre teorive, shumë qytetarë hezitojnë të vaksinohen. Në lidhje me këtë ka reaguar Ministria e Shëndetësisë dhe Mbrojtjes Sociale, e cila ka bërë sot një apel për qytetarët që zgjedhin mos të vaksinohen, pasi mendojnë se vaksina kundër Covid-19 ndikon në fertilitet. Sipas Ministrisë së Shëndetësisë, deri më tani nuk ka evidenca që tregojnë se vaksinat paraqesin rrezik për dikë që dëshiron të ketë fëmijë.
“Nuk ka evidenca që tregojnë se vaksinat ndaj Covid-19 paraqesin rrezik për dikë që dëshiron të mbetet shtatzënë”, shkruhet në postimin e ministrisë. Ndërsa ka dhe raste që janë bërë publike ku gra kanë mbetur shtatzën edhe pasi kanë bërë vaksinën.
Discussion about this post