Vaksina është fjala më e përdorur gjatë 2021, ndaj dhe leksikografët e Fjalorit anglez të Oksfordit e kanë shpallur fjalën e vitit.
Mediat e huaja bëjnë me dije se fjalët e lidhura me vaksinën janë përdorur shumë gjatë 2021 për shkak të pandemisë së koronavirusit, përfshirë shprehjet, vaksinim i plotë, i/e pavaksinuar dhe fushatë kundër vaksinimit.
Ndërkohë redaktorja e lartë në Oksford, Fiona McPherson, ka thënë se fjala vaksinë ka qenë zgjidhje e qartë, për shkak të ndikimit që ka pasur. Sipas raportit të kësaj organizate, fjala vaksinë është regjistruar për herë të parë më 1799, ndërsa vaksinohu dhe vaksinim një vit më vonë.
Vaksina besohet se rrjedh nga fjala latine vacca, që do të thotë lopë. Sipas raportit, kjo fjalë lidhet me punën e shkencëtarit, Edward Jenner për vaksinim kundër lisë në vitet 1790 dhe 1800. Vitin që shkoi fjala e vitit u shpall “Pandemia”.
