Mediet amerikane bëjnë me dije se Gjykata e Apelit në SHBA ka bllokuar përkohësisht planet e presidentit Biden për t’u vënë bizneseve të mëdha vaksinimin me detyrim si kriter pune.
Kujtojmë se, pak ditë më parë presidenti amerikan, Joe Biden, ka urdhëruar që çdo kompani me mbi 100 punonjës të ketë kriter vaksinimin, është quajtur jo-kushtetues nga gjykatat. Vendimi u apelua nga pesë shtete me shumicë republikane dhe nga një sërë grupesh biznesi e fetare, të cilat argumentuan se qeveria po abuzon me pushtetin në emër të pandemisë.
“Urdhri që merr fuqi ligjore më 4 janar ka probleme të rënda statutore dhe kushtetuese. Prandaj ai do të mbetet pezull deri në vendimin tjetër,” njoftoi Gjykata e njësuar e Apelit për shtetet e Teksasit, Luizianës dhe Misisipit.
Sakaq, bëhet me dije se zyra për Sigurinë dhe Shëndetin në Punë, do ankimojë vendim. Rregulli për vaksinimin e detyruar ose për tamponin e përjavshëm aplikohet për mbi 80 milionë të punësuar nga afro 2 milionë kompani private në SHBA. Urdhri u komentua nga presidenti Biden muaj më parë si një nevojë kundër Covid-19, sëmundjes që rrezikon shëndetin dhe sigurinë në punë. Vendimi i gjykatës shihet si një goditje ndaj politikës së demokratit për ta shtrirë më gjerë hartën e vaksinimit, që presidenti thotë se është rruga më e lehtë për të dalë nga pandemia.
Discussion about this post