Opozita ka kundërshtuar vazhdimisht vaksinimin me detyrim për studentët, pedagogët dhe mësuesit, duke thënë se askush nuk mund të ketë besim në disa doza të pacertefikuara. Përmes një interviste televizive, deputetja Ina Zhupa tha se vaksinimi me detyrim cenon lirinë e studentëve, por kjo ndodh më një vend si Shqipëria ku Komiteti Teknik i Ekspertëve merr urdhra nga kryeministri Rama.
Zhupa hodhi dhe disa akuza të forta ndaj qeverisë, duke thënë se po iu ofron qytetarëve vaksina të skaduara dhe të pacertefikuara nga EMA. “Komiteti merr urdhra nga Rama që vaksinimi të bëhej i detyrueshëm. studentë nuk kanë besim vaksinat në Shqipëri kanë ardhur me çanta , nga vende anonime. vaksinat që flasim sot janë në prag të skadencës, vaksinat në fillim kanë ardhur të pacertifikuara nga EMA, normalisht që studentet do të kenë kundërshtimet e tyre për të bërë vaksinën”, u shpreh ajo.
Zhupa tha se, më e mira në këtë raste do ishte që qeveria duhej të bisedonte me studentët në lidhje me këtë çështje, për të gjetur një zgjedhje të pranueshme dhe nga ata. Sipas saj, vendosja e rojeve në fakultete për të penguar hyrjen e studentëve të pavaksinuar është kulmi dhe shkelje e hapur e të drejtës për arsimim
“Duhet të ishte zhvilluar me bashkëbisedim, saqë lejohen stadiumi plot, teatri plot, sheshi plot, çdo ndodhë me studentët nëse futen në auditor? Mund të bëheshe normalisht që të futen në auditore dhe askush urdhër ministre nuk ndal dot të drejtën e studentit për tu arsimuar. Pjesa që ishte absurde duke arritur deri aty që roje securety u vendosën përballë tyre për të marrë certifikata vaksinimi, nuk i jepet rojes nuk lejohet në asnjë vend të botës, ishte një çorganizim i organizuar që nuk ka prioritet për studentët, i bën me këto për show sepse i kanë ngelur vaksinës dhe hajde t’ia bëjmë atyre. Duhet të ishte një punë sensibilizuese”, tha Ina Zhupa.
Pak ditë më parë Partia Demokratike ka prezantuar planin e tre pika për të menaxhuar situatën pandemike në universitete dhe se si duhet të veprohet me ata student që nuk pranojnë të vaksinohen.
