Zbulimi i një varianti të ri të covid-19 duket se do të sjellë një valë tjetër pandemie dhe Letonia bëhet vendi i parë që ka rikthyer lockdown.
Kjo për shkak se Letonia është një prej vendeve me shifrat më të larta të rasteve të reja Covid në raport me popullsinë në botë, sipas Qendrave Amerikane për Kontrollin dhe Parandalimin e Sëmundjeve. “Sistemi ynë shëndetësor është në rrezik. E vetmja rrugëdalje nga kjo krizë është të vaksinohemi,” tha kryeministri, Kršjānis Kariņš.
Ai tha se shkalla e ulët e vaksinimit të vendit ishte shkaku që solli rritjen e shtrimeve në spitale. Sipas të dhënave, vetëm 57% e 1.9 milion letonezëve janë vaksinuar plotësisht, shumë më poshtë mesatares së BE -së prej 74%. Qeveria vendosi një shtetrrethim njëmujor nga ora 8 pasdite në 5 të mëngjesit, këtë javë dhe mbylli shkollat dhe të gjitha dyqanet, përvec supermarketeve.
