Plot 10 persona kanë rënë në prangat e policisë së Tiranës, dy prej të cilëve ishin në kërkim kombëtar. Blutë bëjnë me dije se mëngjesin e kësaj të diele është bërë arrestimi në flagrancë i të miturit me inicialeT. B, 16 vjeç, pasi gjatë kontrollit fizik të ushtruar nga Forca e Posaçme “Shqiponja” iu gjet dhe iu sekuestrua një sasi me lëndë narkotike kanabis.
Po ashtu policia ka arrestuar edhe të renë e identifikuar me iniciale S. K, 33 vjeçe, pasi ka qenë në kërkim për “Trafikim i të miturve” dhe për të Gjykata e Shkallës së Parë për Krimet e Rënda Tirane, ka caktuar masën e sigurisë “Arrest në burg”.
Ndër të tjera në njoftimin e policisë theksohet se në pranga kanë rënë edhe personat e identifikuar me iniciale T. D, 30 vjeç, pasi ka thyer masën e sigurisë “Arrest në shtëpi” dhe është kapur jashtë banese; S. J, 49 vjeç, pasi në mënyrë të përsëritur ka ushtruar dhunë fizike dhe psikologjike ndaj bashkëshortes së tij.
Mëngjesin e kësaj të diele është arrestuar edhe personi i identifikuar me iniciale Z. A, 59 vjeç, pasi në kundërshtim me vendimin e Gjykatës, ka shkelur urdhrin e mbrojtjes dhe ka ushtruar dhunë fizike nga bashkëshortes së tij.
I akuzuar për vjedhje, sot i riu i identifikuar me iniciale E. K, 21 vjeç, vënë në pranga dhe pritet të vuajë dënimin 4 muaj e 15 ditë burgim, për veprën penale “ Vjedhje“ e kryer në bashkëpunim.
Policia jep detaje se personi i identifikuar me iniciale S. Sh, 57 vjeç, është kapur duke kundërshtuar me dhunë punonjësit e Policisë si dhe ka goditur punonjësin e Policisë Bashkiake Kavajë, për shkak të detyrës.
Po ashtu nga specialistët e Qarkullimit Rrugor u bë arrestimi në flagrancë i personave:
E. K, 32 vjeç dhe G. K, 35 vjeç, pasi u kapën duke drejtuar mjetet në gjendje të dehur;
E. L, 35 vjeç, pasi ditën e djeshme ka aksidentuar këmbësorin P. M, 43 vjeç, i cili ndodhet në spital, nën kujdesin e mjekëve.
