Kontrollet blic në kryeqytet kanë vënë në pranga 6 persona. Uniformat blu bëjnë me dije se është arrestuar I. M., 32 vjeç, pasi gjatë kontrollit të ushtruar në banesën e tij, iu gjet dhe iu sekuestrua në cilësinë e provës materiale një sasi lënde e dyshuar narkotike cannabis sativa; S. S., 20 vjeç, pasi është konstatuar duke shitur lëndë të dyshuar narkotike.
Gjatë kontrollit iu gjet dhe iu sekuestrua një sasi lënde e dyshuar narkotike cannabis sativa.
Po ashtu policia ka vënë në pranga të riun e identifikuar me iniciale E. P., 18 vjeç, pasi u kap duke vjedhur një biçikletë. Gjithashtu, nga veprimet hetimore, ka rezultuar se i riu është autor edhe i tri vjedhjeve të tjera të ndodhura më parë, konkretisht:
– Më datë 15.10.2021, i ka vjedhur biçikletën shtetasit R. K.;
– Më datë 18.11.2021, i ka vjedhur biçikletën shtetasit E. K.;
– Më datë 21.11.2021, i ka vjedhur biçikletën shtetasit A. L.
Policia njofton se është arrestuar edhe K. B., 22 vjeç, pasi ka shkelur masën e sigurisë “Arrest në shtëpi” dhe është konstatuar nga shërbimet e Policisë, jashtë banesës së tij; N. Sh., 37 vjeç, pasi në kundërshtim me vendimin e Gjykatës, ka ushtruar dhunë psikologjike ndaj ish-bashkëjetueses, e cila është e pajisur me urdhër mbrojtje; B. M., 59 vjeç, pasi ka tentuar të kryejë veprime të turpshme në publik, në prani të një shtetaseje.
Discussion about this post