Uniformat blu të Tiranës kanë vënë në pranga plot 9 persona pasi akuzohen për vepra të ndryshme penale. Nëpërmjet një njoftimi për shtyp policia bën me dije se fillimisht është bërë arrestimi në flagrancë i F. B., 42 vjeç, i dënuar më parë për veprën penale “Vjedhja”, pasi me datë 12.09.2021, në rrugën “Imer Ndregjoni” ka vjedhur motomjetin në përdorim nga F. M. Nga veprimet ka rezultuar se i riu është autor dhe i 2 vjedhjeve motomjetesh në pronësi të E. D dhe R. M. Ndërsa jep detaje se gjatë marrjes në pyetje i riu ka pranuar autorësinë e ngjarjeve të ndodhura.
Po ashtu policia ka vënë në pranga R. C(M), 22 vjeç, i dënuar më parë për veprën penale “Dhuna ne familje”, sepse Gjykata e Shkallës së Parë Tiranë, ka caktuar masën e sigurisë “Arrest me burg”, për veprat penale “Dhuna në familje” dhe “Vjedhja me dhunë” e kryer në bashkëpunim.
Prangave të policisë nuk i ka shpëtuar as Sh. R., 25 vjeç, sepse në mënyrë sistematike ka ushtruar dhunë psikologjike ndaj ish bashkëjetueses.
Sakaq i identifikuari L. L., 29 vjeç, është arrestuar pasi ka ushtruar dhunë fizike e psikologjike ndaj bashkëshortes së tij.
Ndërsa H. A., 58 vjeç, pasi në fshatin Gosë, ka vjedhur prodhime bujqësore në pronën e shtetasit P. D.
Në fund të kontrolle blic në pranga kan ërënë edhe A. P., 40 vjeç, R. S., 35 vjeç dhe A. B., 65 vjeç, pasi u kapën duke drejtuar mjetet përkatëse në gjendje të dehur;
A. M., 22 vjeçe, pasi ka aksidentuar këmbësoren V. Ll., e cila ndodhet në spital, nën kujdesin e mjekëve.
