Kryetari i Bashkisë Tiranë, Erion Veliaj, nuk i ndal aferat korruptive, në çdo muaj jep tendera pa garë për kompani mike. Me datë 8 tetor 2021 Bashkia Tiranë ka shpallur fituese pa konkurrim kompaninë “Adi Professional” sh.p.k për tenderin me objekt “Blerje Kasa Automatike për Pagesat ne Sheshparkimet e Mbyllura”. Sipas dokumentit të publikuar kjo kompani duhet të përfundojë projektin brenda 75 ditëve, ndërsa evidentohet se nuk janë të mirëpërcaktuara kushtet dhe përgjegjësitë e tij, ndërsa kostot që do të shkojnë për këtë projekte kapin vlerën e 14. 000. 000,00 pa TVSH.
“Adi Professional” ka fituar këtë tenderë si e vetmja që ka marrë pjesë në garë dhe ka propozuar ofertën me vlerë 13. 722. 000,00, një shumë marramendëse kjo për blerjen e disa kasave.
Referuar ligjit të prokurimeve, bashkia ka bërë shkelje të hapur duke zhvilluar tenderin me një konkurrent te vetëm. Shpesh këto procedura më shumë së mungesë konkurrencë në treg, shfaqin edhe opsione të formulimit të kritereve dhe afateve për dorëzim dokument në favor të një kompanie të paramenduar klientëliste. Në këtë kuadër, këto tendera meritojnë të konsiderohen të ekspozuara dhe me risk.
Në dokumentin për shpalljen e tenderit, bashkia shkruan se kompania në fjalë i plotëson kriteret dhe konsiderohet si ofertë e suksesshme për realizmin e këtij tenderi. Në fakt më i suksesshëm rezulton plani i Veliajt për të shpallur gjithmonë fituese kompanive me ofertën më të madhe ose të japë tendera me porosi.
Kjo kompani do të ndihmojë bashkinë të rrjep xhepat e qytetarëve përmes këtyre projekteve të pashpallura siç jan tarifat e vendparkimeve, të cilat shtrenjtohen gjithmonë e më shumë
E.H/ gijotina.com/
