Kombëtarja e Holandës nuk shkoi më shumë se barazimi 2-2 ndaj Malit të Zi në kualifikueset e kampionatit Botëror. Një zhgënjim i madh për tulipanët të cilët mund të kishin siguruar biletën për në eventin më të madh futbollistik në rang kombëtaresh. Ballkanasit barazuan në minutat e fundit duke i hequr tre pikë të arta skuadrës së Holandës. Pas ndeshjes kapiteni i skuadrës, Van Dajk ka kritikuar ekipin e tij për paraqitjen.
“Duam të kemi gjithmonë topin në kontroll, të gjithë duam të luajnë futboll, të sulmojmë dhe të shënojmë. Por futbolli nuk është i tillë pasi duhet të dish edhe të mbrosh dhe këtë gjë nuk e bëmë ndaj Malit të Zi. Organizimi që i bëmë lojës nuk ishte i mirë. Mund ta përshkruaj thjeshtë si të tmerrshëm. Duhet të ishim kualifikuar ndaj Malit të Zi me gjithë respektin që kam për ta”, deklaroi Van Dijk.
Discussion about this post