Analisti Lorenc Vangjeli është shprehur se disa emra në dosjen e SPAK për ish-ministrin Arben Ahmetaj, nuk ndodhen më në Tiranë, duke nënkuptuar se janë larguar nga vendi.
Komentet Vangjeli i bëri teksa ishte i ftuar në emisionin “Log” në Panorama TV, ku tha se kryeministri Edi Rama e lëshoi Ahmetajn, pasi sipas tij nuk e mbante dot.
“Disa nga emrat e përmendur në dosje nuk janë më në Tiranë. Janë larguar sepse është vapë tani, është verë. Një pjesë e madhe e tyre kanë shumë para.
Po e zgjedhoj në disa mënyra foljen lëshoi (për Ramën dhe Ahmetajn). Në fakt nuk mund të lëshosh një gjë që nuk e ke, një gjë që nuk e mban dot.
Pra nëse Rama do të kishte mundësi, a nuk do ta mbante Ahmetajn? Zëvendësin e kryeministrit të tij.
Kreu i SPAK tha se askush nuk më merr në telefon, nuk guxojnë ta marrin. Kemi ardhur në këtë ditë kur Rama lëshoi Ahmetajn se nuk e mbajti dot, ndërkohë që paraardhësi i tij nuk lëshonte as gardistin kur e kërkonte prokuroria”, tha Vangjeli.
Discussion about this post