Ish-kryebashkiaku i Durrësit, Vangjush Dako, një prej politikanëve shqiptarë të përfshirë në listën “non grata” nga Departamenti amerikan i Shtetit, është paraqitur ditën e sotme në SPAK.
Dako është paraqitur në SPAK rreth 3 muaj nga dita kur për 4 orë dha deklarime para prokurorëve dhe hetuesve të BKH mbi një çështje që ka të bëjë me kohën kur mbante detyrën e kryebashkiakut të Durrësit.
Ndaj Dakos është ngritur akuza për një legalizim fiktiv, pasi ka ligjëruar katet e një pallati që nuk ekzistonte. Nuk dihet nëse paraqitja e sotme në SPAK ka lidhje me çështjen në fjalë, apo jo.
Sipas Departamentit Amerikan të Shtetit, “ka informacion të besueshëm se zoti Dako ka qenë i përfshirë në korrupsion gjatë mandatit të tij si kryetar i Bashkisë së Durrësit”.
Gjithsesi Dako mbetet aktiv në rradhët e socialistëve dhe është akuzuar nga opozita si një prej aktorëve që ka deformuar votat në zgjedhjet në Durrës.
Discussion about this post