Manchester United e ka nisur me fitore sezonin e ri futbollistik në Premier Ligën angleze, teksa mposhti me rezultatin 1-0, Wolves në duelin e vlefshëm për javën e parë.
Ishte mbrojtësi francez, Raphael Varane, që me golin e tij u shndërrua në hero në këtë duel duke i dhuruar 3 pikë të çmuara skuadrës së Eric Ten Haag.
Pjesa e parë u mbyll me rrjeta të paprekura, teksa do të duhej të vinte minuta e 76’, që ish-mbrojtësi i Real Madridit, të gjente rrugën e rrjetës pas asistimit të Aaron Wan-Biassaka.
Vlen të theksohet fakti se në këtë përballje United shënjestroi 3 herë kuadratin ndërsa miqtë, plot 6 herë. Në duelin e javës së dytë, “Red Devils” do të përballen me Totenhemin në transfertë, ndërsa Wolves presin Brajtonin e De Zerbit.
Discussion about this post