Gjermania ka pezulluar udhëtimet me Britaninë për shkak të përhapjes së variantit indian. Britanikët mund të hyjnë në Gjermani vetëm për udhëtime thelbësore, përveç kësaj ata duhet të kenë një test negativ jo më pak se 48 orë dhe të karantinohen 2 javë pas mbërritjes.
Masa do të hyjë në fuqi të Dielën. Ambasada Gjermane në Mbretërinë e Bashkuar tha se pezullimi i udhëtimeve është për shkak të “shpërthimeve lokale, duke përfshirë raste të varianteve më infektive siç është varianti indian aktualisht”.
Ambasadori Andreas Michaelis tha se vendimi u mor pas vlerësimit të të gjitha të dhënave. Varianti B.1.617 u zbulua për herë të parë në Indi në tetor dhe është përhapur në më shumë se 50 vende të botës.
Britania ka regjistruar mbi 3,850 raste të variantit indian deri më tani.
