Kupa e Kombeve të Afrikës mund të anulohet për shkak të shtimit të numrave të të infektuarve me variantin e ri të Covid-19, Omicron. Ndeshjet që ishin planifikuar të zhvilloheshin nga 9 janari deri më 6 shkurt mund të mos luhen dhe ky kalendar të fshihet.
Ky lajm është bërë publik nga ‘RMC Sport’, e cila bën me dije se drejtuesit e Konfederatës së Afrikës janë të trembur nga përhapja e shpejtë e variantit Omicron, pa harruar faktin që klubet europiane kanë shfaqur pakënaqësi dhe nuk duan të privohen nga “yjet” e tyre, që kanë marrë ftesë nga përfaqësueset afrikane.
Kjo për shkak se të gjithë futbollistët që vijnë nga vendet që janë përfshirë në listën e kuqe do të duhen të qëndrojnë për 10 ditë në karantinë, para se të bashkohen me skuadrat e tyre në Angli, gjë që do i dëmtonte shumë klubet e këtij vendi.
Konfederata e Afrikës ndodhet në një situatë shumë problematike sa i përket aspektit organizativ, kështu që duke shtuar edhe përplasjen me klubet europiane, me shumë mundësi do të marrë vendimin për ta anuluar Kupën e Kombeve të Afrikës./K.T/Gijotina.com
Discussion about this post