Familjarët e Mateos pas marrjes së disa firmave në Fier, janë nisur drejtë Vlorës për të marrë sa më shumë firma për peticionin përmes të cilit do të kërkojnë dënimin me vdekje për Çalamanin. Ata kanë ngritur një peticion para Gjykatës së Fier, pa minuta pasi kjo e fundit vendosi masën arrest me burg për autorin që vrau barbarisht vogëlushin. Familjarët thanë se kërkojnë në mënyrë ultimatume varjen e tij, prandaj filluan të mbledhin firmat që të ngrenë një refendum, përmes të cilit do të kërkojnë dënimin me vdekje. Në fillim kanë firmosur të pranishmit që shoqëronin familjarët dhe gjithashtu disa gazetarë.
Më pas babi, vëllai dhe nëna e Mateos kanë marshuar rrugëve të Fierit ku kanë bërë thirrje për të gjithë qytetarët që të firmosnin peticioni, pasi nga ky rast të merret shembull dhe kriminelë të tillë të dënohen me vdekje. Ata kanë bërë me dije se do të lënë një numër telefoni kur persona nga qytete të ndryshme që duan të firmosin të kontaktojnë, të vendosin një përfaqësues dhe firmat e mbledhura t’ia dërgojnë familjes së Mateos.
Discussion about this post