Ish-Ministri i Shëndetësisë Petrit Vasili ka dhënë alarmin për përkeqësimin e situatës pandemike në Shqipëri. Në këto rrethana, ish-ministri ka theksuar se nevojiten së paku 9 hapa për të ndalur përhapjen e covid-19.
Pandemia po pershkallezohet keqas, nente hapa per te ndalur katastrofen, qe na kanoset!
Eskalimi i situatës së Pandemisë është fakt, është tepër i rëndë dhe shumë i qartë.
Edhe dje rritja vazhdoi pa u ndalur me plot 658 raste të reja.
Mund te konsiderohet pa hezitim se vaksina dhe imuniteti natyror mbrojnë nga vdekja dhe zbutin komplikacione, por nuk kane arritur asesi të sigurojnë imunitetin lidhur me variantin Delta shpejtësia e përhapjes se të cilit është vërtet shumë problematike.
Shqipëria nuk mund të ecë më në rrugën e vjetër aprofesionale dhe të politizuar, që solli një vit tragjik, ndaj hapat e domosdoshme për të ndalur katastrofën do të ishin:
1. Rikonceptimi ne themel i strategjisë lidhur me variantin delta sepse strategjia me përzierje vaksinash te certifikuara dhe me të tjera me efekt tepër të pasigurtë dhe butaforia me orën policore janë handikap serioz për përballimin e situatës.
2. Vazhdimi i testimeve masive është i një dobie ekstreme në ketë situatë të re të përballjes me variantin Delta.
3. Kufizimi dhe kontrolli i hyrjeve në kufi sipas modeleve të njohura bazuar në reciprocitetin simetrik të masave të vendeve të origjinës nga vijnë udhëtaret.
4. Testimi, gjurmimi, izolimi dhe trajtimi janë hapa kruciale veçanërisht në këtë moment të ri duke izoluar në mënyre efektive rastet aktive dhe duke monitoruar rreptë këtë ketë izolim. Nënvleftësimi dhe lënia pas dore i këtyre katër hapave nga qeveria, ka çmobilizuar sistemin shëndetësor dhe ka nxjerrë situatën nga kontrolli.
5. Ndjekje preferenciale te rasteve te reja, por qe janë pjese e grupeve te rriskuara si dhe monitorimi i rasteve të suspektuara për Covid mes këtyre grupeve.
6. Vaksinimi me vaksina të certifikuara nga EMA dhe FDA Amerikane i të gjithë personave që akoma nuk kanë kaluar COVID-in si edhe personave të vaksinuar me CoronaVac duke administruar se paku një dozë prej vaksinave te mësipërme.
7. Vendosja përdorimit të maskave cilësore mjekësore në transportin publik por edhe ne ambiente të mbyllura.
8. Heqjen dore menjëherë nga improvizimet në mënyrën e rifillimit të shkollës në ambientet shkollore duke hartuar një strategji të qartë, efektive dhe të monitoruar në një situatë kur është vërtetuar katërçipërisht që edhe fëmijët preken nga COVID si edhe mund ta transmetojnë atë
9. Hartimi i parashikimit strategjik për vendosjen ne kohe te masave e kufizimeve te arsyeshme, larg butaforive te mëparshme te orës policore e te tjera masa absurde, duke përdorur modele kufizimesh te provuara europiane, qe kane rol pozitiv ne kufizimin dhe parandalimin e përhapjes se COVID.
Këto hapa janë te një domosdoshmërie kritike dhe koha nuk pret.
I tërë sistemi shëndetësor duhet alertuar tani.
Boll propagande kemi pare.
Rezultatet katastrofike te një viti me pare si dhe parulla qeveritare :”kështu ndodh ne te gjithë boten”, nuk mund te vazhdojnë më, sepse shqiptaret e paguan hidhur me jetën dhe shëndetin e tyre ketë.
Askush nuk ka nevoje për ngushëllime hipokrite dhe lotë krokodili te kryeministrit dhe qeverise kur gjëma ka ndodhur.
Kësaj gjëme i duhet dale përpara sot, i duhet dale përpara tani.
