Nënkryetari i LSI ka ironizuar Bashën dhe Ramën për faktin se pak më parë forca të FSHN rrethuan godinën e PD-së. Përmes një postimi në Facebook ai e quan kryeministrin Ramoviç dhe Bashën kryetar të FSHN, duke thënë se është e turpshme që mbrojnë PD-në nga anëtarët e vet.
Sakaq, Vasili i bën thirrje Ramës që t’i lërë efektivët të shkojnë të kapin kriminelët dhe të mos merren me këto situata të pakuptimta. “Ramoviç shko derëzi e kap trafikantët se u merove duke ruajtur me dhjetëra furgonë e policë godinën e PD. Po ky kryetari PD qenka kryetari i FNSH jo i PD. Ruajna zot, ju iku mendja Ramoviçit dhe Kryetarit te FNSH po ruajnë godinën e partisë nga anëtarët e partisë vet. Ata që mbytën me gaz, me shkopa gome, dhe me autobote uji opozitën po shkojnë t’u mbrojnë godinën’, mbyll postimin Vasili, duke thënë se e gjithë kjo situatë është qesharake.
Discussion about this post