Vasili: Ja përgjegjësia individuale e Ramës për inceneratorët

Nënkryetari i Partisë së Lirisë, Petrit Vasili thotë se Rama duhet ta nisë përgjegjësinë për aferën e inceneratorëve nga vetja e tij.

Sipas Vasilit, Rama ka mbështetur, financuar dhe mbrojtur me bindje të plotë një vjedhje qindra milion euro, madje ka gënjyer edhe popullin.

Vasili thekson se edhe kur afera e inceneratorëve u denoncua me fakte, prova dhe dokumente e me emra të korruptuesve dhe të korruptuarve, Rama vazhdoi t’i financonte dhe t’i mbronte.

Reagimi

Ja përgjegjësia individuale e Ramës për inceneratoret!

Përgjegjësia individuale e Rames për inceneratorët është e totalit e provuar, që nga firmosja e deri te mbrojtja publike e korrupsionit të tyre.

Edhe kur afera e inceneratorëve u denoncua fakte, prova dhe dokumente e me emra të korruptuesve dhe të korruptuarve të qeverisë Rama vazhdoi t’i financonte dhe t’i mbronte.

Asnjë mase nuk mori Rama kundër atyre që u provuan të përfshirë në të,  por në të kundërt u mor me shantazhimin dhe pengimin e drejtësisë dhe me fyerjen dhe sulmimin e opozitës që i denoncoi ato.

Edi Rama është çjerrë shumë për përgjegjësinë individuale, tani është rasti i paevitueshëm që ta filloje nga vetja.

Ta fillojë nga vetja sepse  Rama ka mbështetur financuar dhe mbrojtur me bindje të plotë një vjedhje qindra milionë euro dhe për më keq me ndërgjegje të plotë ka gënjyer popullin publikisht.