“Ish-ministri Damian Gjiknuri, Sekretar i Përgjithshëm i PS-së, duhet të hetohet nga SPAK, pasi ka dhënë pëlqimin për një incenerator në shkelje flagrante të ligjit”, u shpreh deputeti Petrit Vasili në studion e Syri Tv.
“Ky lajm që po vlon këto ditë është shumë i rëndë sepse provon qartazi se probleme të mëdha dhe gjëra të mëdha fshehin këto. Gjiknuri ka gënjyer nën betim gjatë komisionit hetimor parlamentar pasi ka mohuar se ka pasur një vizitë të organizuar nga Klodian Zoto.
Kjo tregon se lidhja ishte me bereqet të madh mes Gjiknurit dhe Zotos, ai ka kërcënuar dhe deputetin Bardhi kur është përmendur se ai ka raport personal me Zoton.
Në pikëpamje të asaj që ka të bëjë me veprimtarinë shtetërore të kësaj afere ministri Gjiknuri është autori i një shkelje shumë të rëndë ligjore lidhur me pjesën e energjisë tek inceneratori i Elbasanit.
Ministri Gjiknuri ka dhënë pëlqimin për këtë koncesion, ka qenë pjesëmarrës me përfaqësues dhe në komisionin e vlerësimit të studimit të fizibilitetit, e ku bënte pjesë dhe prodhimi i energjisë elektrike. Ajo që ka ndodhur është se Gjiknuri ka ngritur komision dhe ka propozuar e miratuar një koncesion 25 vjet që ishte në shkelje flagrante të ligjit.
Ligji dhe vendimi 822 thonë qartë dhe prerë që kjo mundësi për tu dhënë kjo leje u jepen vetëm atyre personave që duan të ndërtojnë burime të rigjenerueshme të energjisë elektrike që nuk janë objekt koncesioni. Ky koncesion po ndërtohej me paratë e shtetit dhe nuk ishte me paratë private.
Gjiknuri duke shkelur në mënyrë skandaloze ligjin e jep këtë koncesion për 25 vjet kur po ndërtohej me paratë e shtetit dhe është e qartë se koncesioni jepet për mbeturina dhe prodhim energjie”, tha Vasili.
Discussion about this post