Nënkryetari i Partisë së Lirisë, Petrit Vasili, është shprehur se kryeministri Edi Rama po i shërben planit të ndarjes së Kosovës.
Komentet Vasili i bëri përmes një postimi në Facebook, ku tha se Rama është kthyer në renegat të Vuçiçit që zbaton me regji planet e tij.
Ai shtoi se anulimi i mbledhjes së dy qeverive dhe klithmat për sanksione janë pjesë e të njëjtit skenar.
Postimi
Rama i shërben planit të vjetër të ndarjes së Kosovës, duke përdorur trukun e ri të Asociacionit!
Projekti i ndarjes së Kosovës dhe shkëmbimit të teritoreve është lobuar shumë fort nga Serbia si objektiv i pandryshuar i saj dhe është mbështetur me te gjitha fuqitë nga Edi Rama.
Ky projekt që u diskreditua dhe u bllokua pjesërisht tre vjet me parë nuk është ndaluar, por thjesht është ridimensionuar, ka ndryshuar strategji dhe instrumentet e tij.
Hapi i parë për të shkuar drejt tij ishte Ballkani i Hapur, hap kaq i diskredituar haptas anti Kosove ku roli i Edi Ramës ishte thellësisht negativ dhe proserb.
Hapi i dytë është aktualisht Asociacioni i cili është një tjetër mënyrë për të shkuar tek projekti bazë i Beogradit për ndarjen dhe shkëmbimin e teritoreve në Kosovë.
Kujtoni se çfarë thoshte me shumë qartësi Sonja Biserko, kryetarja e Komitetit te Helsinkit të Serbise që dy vjet më pare dhe pikerisht në nëntor 2021.
Sonja Biserko: “Sigurisht, sepse gjithçka varet nga mënyra se si Beogradi e interpreton një Asociacion të tillë. Tendenca është një status si Republika Srpska, që do të thotë një shtet tjetër jofunksional në fqinjësi. Është një metodologji shumë e ngjashme me atë ruse, e cila destabilizon “fqinjin i ngushtë” përmes pakicave ruse në ato vende”.
Pra formimi i një Republika Srbska ne Kosove dhe realisht dezintegrimi e relativizimi i Kosoves është plani i pandryshuar i Vuçiçit.
Po ashtu Sonja Biserko vazhdon lidhur me incidentet qe ndodhen ne Veri te Kosoves dy vjet me pare.
❗️Sonja Biserko: “Incidentet në veri janë provokim dhe dëshirë për ta bërë Prishtinën përgjegjëse. Veriu kontrollohet nga serbët, ose më saktë nga krimi i organizuar.
Sonja Biserko: “Gjithçka tregon se barrikadat janë organizuar nga Beogradi. Fatkeqësisht, serbët në Kosovë janë nën kontrollin e rreptë të Beogradit dhe ata nuk janë në gjendje të përcaktojnë interesat e tyre. Ata janë të instrumentalizuar për interesat e Beogradit që nuk përkojnë me interesat e tyre”.
‼️Sot pas dy vitesh ripërsëritet saktësisht i njejti skenar dhune në funksion të të njëjtit plan të vjeter për ndarjen dhe shkëmbimit të teritoreve të Kosovës.
Vuçiç ka një strategji të qartë të moszbatimit dhe bllokimit të të gjitha marrëveshjeve të arritura, por të pafirmosura prej tij, për të fituar kohe.
Fajësimi i Kosovës është nje manovër shumë e trashë ne funksion të planit të vjetër të ndarjes së Kosovës.
Te jesh kundra Kosovës sot do te thote te jesh me bandat kriminale të telekomanduara nga Beogradi.
Se kush është fajtori, provokatori, dhunuesi edhe i KFOR-it, ka vetem nje emer, qe është Aleksandar Vuçiç.
❗️Rama thjesht po shërben si nje renegat, që perdoret me regji në funksion të planeve të ndarjes ku ka qene pjese aktive prej vitesh dhe kjo është konfirmuar edhe nga Karl Bild,Sonja Biserko, Vuk Jeremiç.
Në gusht 2018, ish-Kryeministri i Suedisë Carl Bildt kishte shkruar për Ëashingon Post se Kryeministri Rama i kishte thënë se ishte dakord me idenë e Vuçiçit.
Sonja Birseko, Kryetarja e Komitetit të Helsinkit në Serbi, ka thënë në tetor 2018 se Vuçiç dhe Rama ishin marrë vesh në Nish për planin e ndarjes së Kosovës.
Ish-Ministri serb Vuk Jeremiç kishte denoncuar treshen Vuçiç-Rama-Thaçi për këtë plan dhe për lobimin për të.
‼️Ndaj veprimet e Rames, përfshi anullimin e mbledhjes se dy Qeverive Shqiperi Kosove të dates 14 qershor si dhe klithmat e tij për sanksione kundër Kosovës, janë vazhdim i te njëjtit skenar të vjetër të ndarjes dhe shkëmbimit të teritoreve të Kosoves, por me forma te tjera.
Discussion about this post