Nënkryetari i Partisë së Lirisë, Petrit Vasili ka reaguar pas deklaratave të kryeministrit Rama një ditë më parë në emisionin “Opinion”. Me anë të një postimi në Facebook, Vasili thotë se Rama është një “gërmadhë korruptive”, i cili shkatërron pronat e shqiptarëve përmes banditëve të IKMT.
Teksa rendit dështimet e kësaj qeverie dhe të kryeministrit Rama, Vasili thotë se çdo mjet për largimin e tij është legjitim.
Sipas Vasilit, “Rama tmerrohet nga llogaridhënia dhe nuk vjen ne Parlament, pasi është i zi ne çdo veprim aq sa korruptoi edhe McGonigal per interesat e tij mafioze politike e personale duke bere pis edhe marrëdhëniet aq te rëndësishme me SHBA”.
Reagimi
Edi Rama një gërmadh]ë korruptive dhe zuzar mafioz!
Duke refuzuar llogaridhënien në Parlament ky individ është vetlarguar dhe vetasgjesuar ligjërisht dhe moralisht.
Antikushtetues, I paligjshëm, i korruptuar dhe korruptues, ky individ është thjesht një zaptues ordiner i zyrës së kryeministrit dhe që nuk ka as lidhjen më të vogël as me shtetarin dhe njeriun e ligjit, por vetëm me antiligjin dhe antishtetin.
I dështuar në çdo drejtim, i korruptuar në çdo pikëpamje dhe mafioz në çdo veprim ky është portreti i kryeministrit me dizaster, që Shqipëria ka parë ndonjëherë.
Dështak ekzemplar Edi Rama është kryeministri që i ka sjellë vetëm të këqija të rënda sepse:
E bëri Shqipërinë narkoshtetin e vetëm të historisë së Europës.
E bëri të parën për korrupsion në Europë dhe të dytën në botë.
Largoi nga Shqipëria qindra mijëra shqiptarë më keq se në fund vitet 90′.
Tmerrohet nga llogaridhënia dhe nuk vjen në Parlament, pasi është i zi në cdo veprim aq sa korruptoi edhe Mc Gonigal për interesat e tij mafioze politike e personale duke bërë pis edhe marëdhëniet aq të rëndësishme me SHBA.
E ktheu zyrën e kryeministrit në një çcerdhe mafioze të neveritshme.
E ktheu parlamentin përmes deputetëve të tij të pacipë në noterizues të vjedhjeve të tij prej miliarda eurosh dhe prodhues ligjesh me porosi të mafies dhe oligarkëve
E futi Shqipërine në listën e zezë të pastrimit të parave.
E futi Shqipërinë nën monitorimin e BE si vend me financa të shkatërruara nga pikpamja fiskale.
E vodhi me inceneratorët për qindra milion euro.
E vodhi me Portin e Durrësit për miliarda euro.
Vjedh dhe shkatërron pronat e shqiptarëve përmes banditëve të IKMT, që zbatojne urdhërat e tij mafioze e të paligjshme.
I la shqiptarët pa drejtësi duke shkatërruar dhe kapur drejtesinë për veten e tij dhe për interesat e bandës së tij mafioze.
I shet kufijtë e Shqiperisë si një tradhëtar dhe mafioz si askush në histori.
I futi thikën pas shpine Kosovës me kufijtë dhe Ballkanin e Hapur.
Si përfundim çdo mjet për largimin e këtij individi të paligjshem është legjitim.
Asnjë kompleks nuk duhet patur në këtë betejë në emër të ligjit dhe të interesit publik aq të rrenuar e tronditur nga veprimet e këtij individi, që përfaqëson një germadhë korruptive dhe zuzar mafioz.
Discussion about this post