“S’ka krizë energjetike, por korrupsion të tmerrshëm dhe maskarallëk të qeverisë”, ky është reagimi i bërë nga nënkryetari i Lëvizjes Socialiste për Integrim, Petriti Vasili. Në rrjetin e tij social “Facebook”, Vasili i drejtohet SPAK-ut, madje duke kritikuar dhe punën e këtij të fundit. Një ndër temat kryesore dhe kyçe të këtyre ditëve është dhe energjia elektrike, ku sipas nënkryetarit të LSI-së nuk kemi krizë, por një mega vjedhje shtetërore.
Qytetarët do të paguajnë nga xhepat e tyre, vetëm e vetëm të mbulojnë vjedhjet e bëra nga qeveria.
Vasili shkruan: “Qeveria do te rrisë çmimet e energjisë, për të mbuluar vjedhjen dhe plaçkitjen, që i ka bërë arkës së shtetit, që është bosh!
“Qytetaret nga varfëria e tyre u dashka te paguajnë hajdutërinë e qeverisë.”
Për sa i përket çështjes së energjisë elektrike, Vasili shprehet se do të ishte më mirë të blihej energjia e cila prodhohet në vendin tonë, por ata kanë zgjedhur ta blejnë më shtrenjtë jashtë, në mënyrë që të vjedhin për veten e tyre.
Sipas Vasilit, SPAK po bashkëpunon me kryeministrin Rama, ka dalë krah këtij të fundit në vjedhjet që i bëhen qytetarëve.
“SPAK që nuk vepron po kthehesh në bashkëfajtor me Ramën dhe qeverinë dhe është vendosur kundër qytetarëve në krah të hajdutërisë qeveritare!
SPAK po punon vetëm për të ruajtur pandëshkueshmërinë e qeverisë!”
