Një vatër zjarri është aktivizuar pasditen e sotme në Apolloni. Mësohet se fillimisht janë përfshirë nga flakët disa shkurre, por zjarri është përhapur me shpejtësi, i favorizuar nga era që fryn në këtë zonë.
Ende nuk dihen rrethanat e ngjarjes, por paraprakisht dyshohet se zjarri është vënë aksidentalisht nga banorët e zonës.
Zjarrfikëse kanë mbërritur në vendin e ngjarjes dhe po luftojnë me flakët. Në vendin tonë janë raportuar vatra të ndryshme zjarri ditët e fundit, por pjesa më e madhe e tyre që ishin aktive gjatë gjithë verës, janë shuar.
