Një vatër e rrezikshme zjarri ka përshirë fshatin Gjat të Gjirokastrës. Flakët janë aktivizuar mbrëmjen e sotme dhe po përhapen me shpejtësi duke u favorizuar edhe nga erërat e shumta.
Zjarri rrezikon shtëpitë që ndodhen aty pranë teksa ndihmohet nga era e fortë. Forcat e zjarrfikëses janë nisur për në vendin e ngjarjes teksa banorët janë mobilizuar për të vendosur nën kontroll flakët. Kur mendohej se Shqipëria e fitoi luftën me zjarret për shkak edhe të rënies së temperaturave, alarmi është rikthyer sërish.
