Damian Gjiknuri dhe Gazment Bardhi kanën nisur dhe po vazhdojnë ditën e sotme. Bardhi ka akuzuar Gjiknurin për dalje jashtë shtetit me bosët e inceneratorëve, ky i fundit iu kundërpërgjigj duke thënë se çdo gjë është shpifje dhe se ka dorëzuar një padi ndaj PD në gjykatë. Kanë kaluar vetëm pak minuta Gazment Bardhi reagoi sërish. Përmes një postimi në Facebook ai vazhdon të këmbëngul se Gjiknuri ka dalë 17 herë jashtë shtetit për fituesit e koncesioneve për inceneratorët. Sakaq, Bardhi thotë se edhe ai vetë po pret me padurim që të dalë në përballe gjyqësore me Gjiknurin.
“Damian Gjiknuri ka bërë shumë mirë që ka ndjekur këshillën time për të marrë avokat, do i duhet për gjatë, veçanërisht për në SPAK. Mirëpres çdo padi ndaj çdo deklarate timen nga dita e parë e angazhimit në politikë, e deri në ditën e fundit. Mezi pres seancat gjyqësore për të dorëzuar provat e pakontestueshme që paraqita dje në Kuvend dhe shumë të tjera që për efekt kohe nuk munda. Damian ruaj qetësinë, se ndryshe duke u përpjekur të gënjesh, pranon të vërtetën. E vërteta të ka bërë të pohosh sikur unë kam thënë se ke bërë 17 udhëtime me mafiozët e inceneratorëve, kur unë të listova vetëm 15 udhëtime. Në fakt janë fiks 17, sepse dje nuk përfshiva ato të datës 01.09.2010 dhe 27.01.2012. Faleminderit që më konfirmon”, shkruan ai.
Tashmë pritet vetëm që gjykata të marrë parasysh vendimin e Gjiknurit dhe të thërrasë në një seancë gjyqësore të dy palët, të cilët prej disa ditësh replikojnë ën distancë me akuza të forta ndaj njeri-tjetrit.
