Banorët e zonës ‘5 Maji’ kanë vazhduar edhe përgjatë ditës sotme protestën kundër prishjes së shtëpive nga bashkia. Në një prononcim për mediet ata shprehen se, banesat nuk janë prekur nga tërmeti dhe për këtë arsye sipas tyre nuk kanë pse të shemben. Ata akuzojnë kryebashkiakun, Erion Veliaj, se në mënyrë të fshehtë u dërgon banorëve paralajmërime se kanë vetëm 5 ditë kohë që të dalin nga shtëpitë. Nga ana tjetër, një banorë tha se ata nuk mund të pranojnë planin e bashkisë, pasi ajo është e hartuar në shkelje dhe me manipulime.
“Kam marrë njoftim për bonus qiraje dhe një kontratë. Aktulisht nuk është takuar asnjeri me ne. Na çojnë fjalë si ushtar dhe na thonë hajdeni dhe firmosni. Banesat tona nuk janë prek nga tërmet. Veliaj doli sot dhe tha ca përralla. Shikoni atë marrëveshje, njerëzit e Bashkisë po bëjnë paçavure. Marrëveshja nuk është e rregullt. Të tjerëve u ka ardhur afat për 5 ditë që të dalin nga shtëpitë”, shprehet qytetari.
Teksa përplasen me Bashkinë, disa banorë të tjerë shprehen se kanë dalë në shtëpi me qira, por edhe gjetja e tyre ka qenë e vështirë pasi çmimet e tyre janë shumë të shtrenjta. “Kam dalë me shtëpi me qira, një kalvar i gjatë për të gjet shtëpi me qira. Janë shumë të shtrenjta, janë 300 euro”, u shpreh një banor.
Të revoltuar, ata e quajnë Erion Vliajnë mashtrues, duke thënë se ato çka deklaron ai në konferenca janë propagandë dhe se po i vjedh djersën e tyre. “Mua nuk më ka dalë emri për prishje, por dua t’i them mashtruesit fiqve që ne nuk jemi në kasolle. Unë në hipotekë kam 510 metra ndërtim, kam edhe disa të tjera që për fajin tuaj nuk kanë dalë. Mashtruesi i vetëm është Erion Veliaj. Po jurish njerëzve edhe kasollen. Je legen. Shtëpitë i ke prish, kanë qenë shtëpi të ndërtuara me djersë, ti nuk e di se çfarë është djersa se pse ta ka bërë dasmën mami. Ju kemi parë se sa të besueshëm. Njeriu më mashtrues është Erion Veliaj”,thotë një banor.
Banorët e kësaj zone vazhdojnë protestat prej disa ditësh, duke këmbëngulur se nuk ka arsye ligjore pse të prishen banesat e tyre, prandaj dhe ata nuk dorëzohen.
Discussion about this post