Një fëmijë 13-vjeçar humbi jetën pasditen e sotme në garazhin e makinës.
Policia në një informacion paraprak për ngjarjen e rëndë bëri të ditur se “më datë 19.07.2023, në Babrru, është gjetur nga familjarët, brenda automjetit në garazhin e banesës, pa shenja jete, një shtetas i mitur 13 vjeç”.
Ndërkohë, sipas raportimeve mësohet se i mituri është gjetur jashtë makinës, brenda garazhit, ku ka qenë bashkë me të atin, pasi ngjitur me banesën kanë edhe një servis makinash.
Nga hetimet paraprake dyshohet se fëmija është asfiksuar nga erërat e pajisjeve të makinës apo ndonjë reaksion baterie, pasi sipas dëshmive të mbledhura, mësohet se babai i 13-vjeçarit ishte duke hequr baterinë e mjetit.
Versioni zyrtar përfundimtar për vdekjen tragjike të të miturit pritet pas ekspertizës së mjeko-ligjorëve.
Discussion about this post