Kanë kaluar plotë një muaj që nga dita kur katër turistë rusë u gjetën të vdekur në sanuan e një hoteli në Qerret, por ende nuk ka asnjë të dyshuar. Për këtë arsye, Prokuroria e Kavajës ka vendosur që të nisë një eksperiment në hotelin ku ndodhi ngjarja për shkak se dyshohet për agjent kimik të jashtë, burime bëjnë me dije se në hetimet për vdekjen e turistëve rusë do përfshihet edhe Shtabi i Përgjithshëm.
Më konkretisht, do jetë Agjencia e Inteligjencës dhe Sigurisë së Mbrojtjes, pjesë aktive e forcave të armatosura. Përfshirja e kësaj agjencie vjen pasi ka dyshime se mund të jenë përdorur agjent biologjik ose kimik të jashtëm. Nga raporti paraprak i hetimeve rezulton që katër viktimat janë asfiksuar, por mbetet ende e paqartë. Për këtë shkak, hetuesit kanë kërkuar ndihmën e Shtabit të Përgjithshëm, ku do kryhet edhe një eksperiment në hotelin ku mbodhi ngjarja. Gjithsesi, deri më tani Prokuroria e Kavajës bën me dije se është ende shumë larg gjetjes së shkakut të vdekje, ndërsa nuk hidhet poshtë pista për vrasje të mundshme.
Kujtojmë se ngjarja ndodhi në 15 tetor hotel ‘Gloria’ në Kavaj, ku Nataliia Burenkova, 58 vjeçe Sergei Burenkova 60 vjeç, Ekaterina Burenkova 31 vjeçe Nikita Belousov 37 vjeç u gjetën të vdekur në sanuan e hotelit. Asaj kohe policia tha se, u asfiksuan brenda saunës, ndërsa më pas u përfol për përdorim të lëndëve narkotike dhe alkoolit, apo edhe helmimit me agjentë biologjikë. Gjithsesi, humbja e familjes që erdhën të pushojnë në Shqipëri, është ende një mister i pazbardhur.
Discussion about this post