57-vjeçari Thoma Konomi ka ndërruar jetë në përpjekje për të kaluar kufirin e gjelbër në Gjirokastër. Por shkaku i vdekjes vijon të mbetet mister.
Në 20 gusht, Konomi u arrestua nga policia pasi u kap duke u futur në Shqipëri në mënyrë të paligjshme, nga kufiri i gjelbër në PKK Kakavijë ndërkohë që drejtonte një motomjet tip “Kaëasaki”.
Ndërkohë Faxnews ka zhvilluar një intervistë me vëllain e viktimës. Ai pretendon se policët e kanë qëlluar dhe më pas është shoqëruar në komisariat, në gjendje të rëndë.
Ai tha se vëllai është mbajtur për 5 ditë në komisariat në gjendje të rëndë dhe nuk i është dhënë ndihma e nevojshme.
“Dua që të zbardhet ngjarja dhe ata që kanë bërë këtë krim të dalin para drejtësisë.
Vëllain në momentin që e kanë kapur këtu e kanë qëlluar mbas shpine dhe ka rënë më gjithë motor. Lerë se ca thonë që është hedhur me motor. Ata e kanë dhunuar.Pse e kanë dhunuar në këtë mënyrë kaq të tmershm? Unë kam letrën që e kanë dënuar me 100 euro gjobë. E rrahën e gjakosën, pse nuk e cuan në spital vëllain tim ta shpëtonin. E mbajtën 5 ditë në komisariat, doktori i ka bërë gjilpëera, e kanë hedhur si kafshëe në fshat. Vëllai im po jepte shpirt.
Nuk ishte në gjendje të fliste.
5 netë në komisariat?
Po 5 netë, e kishin dëmtuar shumë keq, pastaj e cuan në spital .Vëllai im vdiq nga carja e zorrës dhe shumë goditje. Doktoresha më tha se ka vdekur, e kanë dhunuar, e ka dhunuar policia greke.
Një fshatar e ka cuar rastësisht, kur e ka marr fshatari ka qenë me të vjella, kishte dhimnbje, cdo gjë ishte e vonuar”– u shpreh ai.
Discussion about this post