Detaje të reja kanë dalë nga ngjarja e rëndë në Has ku një foshnje ndërroi jetë nga asfiksia. Mjeku roje në spitalin e Krumës ka treguar se nëna e foshnjës vuante nga depresioni dhe jetonte në një banesë sociale e vetme. Ai po ashtu theksoi se për shkak të gjendjes së rënduar shëndetësore ishte shtruar pak kohë më parë dhe në psikiatrinë e Shkodrës.
“Ne e kemi parë fëmijën në kontrolle. Nënën e foshnjës e njohim dhe ka pasur probleme, ajo ishte e vetme dhe jetonte në një banesë sociale. Ajo është rënduar shpesh nga ana psikologjike, ishte shtruar disa herë në psikiatrinë e Shkodrës. Foshnja nuk ka pasur shenja dhune. Do t’i bëhet ekspertiza mjeko-ligjore dhe do të zbulohet çdo gjë, shkaku i vdekjes”, tha mjeku për Fax News.
Fëmija humbi jetën sot si pasojë e asfiksisë nga ajri i thatë, ku u mësua se e ëma nuk ishte treguar e kujdesshme për shkak të probleme me shëndetin mendor.
Discussion about this post