Pas vdekjes së minatorit në Bulqizë, i cili kishte mbetur i bllokuar prek pesë ditësh nga shembja e galerisë, kanë folur sot për mediat kolegët e tij.
Minatori Ferat Kurti deklaroi se aksidentet në minierë kanë qenë gjithnjë prezente dhe askush nuk është shqetësuar për jetën e tij. Ai tregoi se të gjithë punonjësit aty dalim me pasoja dhe në fund të ditës nuk kanë mundësi as të paguajnë kujdesin shëndetësor.
“Aksidentet në minierë kanë qenë, dhe do të vijojnë të jenë. Unë për veten time kam kaluar shumë rreziqe. Prej sforcimit nga puna në minierë jam bërë operacion për zemrën. Tani jam pensionist, por vështirësitë e minierës i di shumë mirë. E di shumë mirë çdo të thotë minierë, pluhura, gazra, thellësi, mos mbushje me frymë. Ka shumë probleme. Ka nga më të ndryshmet. Nuk mund ta imagjinosh se ç’ del pasi të punosh 30 vite në minierë. Statusi ekonomik është i dobët, nuk mund ta mbulosh shëndetin me financën që do të marrësh pension”, tha ai.
Ndër të tjera ai tregoi se ata si minatorë janë gjithmonë të pa mbrojtur nga shtetit. Madje edhe ndonjë ndryshim apo përmirësim në rregullore është bërë pasi kanë vdekur apo janë plagosur punonjës.
“Rregullorja e sigurimit teknik të minierës, çdo pikë e rregullores është bërë me gjakun e minatorëve të rënë. Ai që është plagos dhe ai që ka ikur nga jeta. Punëtorët nuk kanë ku me i gjet të drejtat tendencat për të kërkuar punëtorët janë të mohuara nga sindikata që janë aktualisht në Bulqizë. Nuk ka sindikatë, nuk do të ketë. Janë punëtorët pa punë, pa bukë, janë pushuar prej pune…detyrimisht ka edhe përçarje në familje”, tha Kurti.
Minatori tregoi se në atë galeri ka pasur më shumë raste vdekjeje dhe duhet të ishin marrë masa më parë.
E.H/ gijotina.com/
