Kreu demokrat, Sali Berisha, ftoi mbështetësit e tij në tubimin që mbahet çdo pasdite në atë që njihet tashmë si “Rruga e Shpresës” që të mbajnë 1 minutë heshtje për opozitarin e pamposhtur ndaj regjimit diktatorial, barbar të Vladimir Putinit, Aleksej Navalny.
“Në këtë fjalë dua të shpreh nderimin tim më të thellë për veprën e pavdekshme të disidentit, opozitarit të pamposhtur ndaj regjimit diktatorial, barbar të Vladimir Putinit, Aleksej Navalnyt.
Për çdo njeri që lufton për liri dhe dinjitet, Navaly do të mbetet frymëzimi i tij. Ai kaloi jo njëherë, por disa herë nga vdekja në vdekje dhe kurrë nuk pushoi së luftuari kundër diktatorit mizor dhe regjimit të tij.
Ndaj dhe ju ftoj ju luftëtarë të lirisë, ta nderojmë me 1 minutë heshtje këtë luftëtarë të lirisë, frymëzim për të gjithë ata që luftojnë kundër diktaturave, regjimeve putiniste kudo që ndodhen”, tha Berisha.
Discussion about this post