Vdekja e Pele, Neymar me fjalë të ndjera – Ja reagimi

Ylli brazilian, Neymar, i është bashkuar një vërshimi homazhesh pas lajmit për vdekjen e “Mbretit Pele”.

Në një postim në Instagram, Neymar thotë: “Përpara Pele, ‘10’ ishte vetëm një numër. E lexova këtë frazë diku, diku në jetën time. Por kjo frazë, e bukur, është e paplotë. Unë do të thoja se para Peles, futbolli ishte vetëm një sport. Pele ndryshoi gjithçka. Ai e transformoi futbollin në art, në argëtim”.

“Ai u dha zë të varfërve, zezakëve dhe më e rëndësishmja: Ai i dha shikueshmëri Brazilit. Futbolli dhe Brazili e ngritën statusin e tyre falë Mbretit! Ai ka ikur, por magjia e tij do të qëndrojë. Pele është i përjetshëm!!”, shkruan Neymar.