Zbardhen detaje nga vrasja misterioze e 3 fëmijëve në Greqi. Së fundmi mediet greke kanë zbuluar një detaj tronditës që shton dyshimet se krimin e rëndë e ka kryer nëna e tre fëmijëve të mitur.
33-vjeçarja ndodhet në paraburgim në Koridhalo, Greqi. Më 8 prill prokuroria dha urdhër për zhvarrosjen e 9-vjeçares, për të bërë hulumtime të hollësishme për vdekjen e vogëlushes.
Mjekët ligjorë kanë deklaruar se në trupin e 9-vjeçares janë gjetur shenja mbytjeje, shkruan protothem.gr.
Në këtë mënyrë rezulton se nuk ishte vetëm ketamina, substanca toksike që dyshohet se i dha e ëma, por ishte mbytja ajo që çoi vogëlushen drejt vdekjes. Në rrethana të paqarta mbetet gjithashtu edhe vdekja e dy motrave të Georginës ,Malena dhe Irisi.
Eksperti mjekoligjor tha në televizionin grek Skai se specialistët kanë zbuluar shenja mbytjeje në organet e Malenës dhe Irisit.
Sa i përket Georginës mjeku tha se 9-vjeçarja u torturua rëndë nga njeriu që e vrau, por shtoi se nuk ishte i sigurt nëse incidentet e mëparshme ishin për shkak të ketaminës.
Nga ana e saj, kryetarja e mjekëve të spitalit Athinë- Pire, Matina Pagoni, theksoi se sjelljet e prindërve ishin problematike që në fillim. “Një nënë nuk mund të sillet në atë mënyrë dhe një baba nuk mund të jetë kaq indiferent”, tha ai.
Discussion about this post